Важеше за еден од највпечатливите мажи на југословенската сцена, а како заводник се прослави и во легендарната југословенска серија „Подобар живот“.
Аљоша Вучковиќ или доктор Иво како што најмногу го памти и македонската публика, денес има 76 години.
Поради тешка болест со години не глуми, но за конкретната дијагноза одбива да открива детали.
„И да сакам не можам да работам. Болен сум и не се чувствувам добро. Тоа е една од причините што ме нема пред камерите“, изјави актерот во едно интервју.
Вучковиќ со децении е во хармоничен брак со Едита и има две ќерки, Леана и Сара.
Леана, која се запиша на Факултетот за Драмски уметности и одлучи да тргне по неговите стапки, со години се бореше со зависности од тешки наркотици, а актерот даваше се’ од себе да ја извади од пеколот, но и таа тешка семејна приказна да не добие големо внимание во медиумите.
„Мојата ќерка не заврши во затвор, туку на лекување од затворен тип. Мислам дека сите луѓе треба да си гледаат во сопствениот двор и да ги остават блиските сами да ги решаваат проблемите онака како што најдобро умеат“, изјави Вучковиќ за магазинот „Стори“.