Светот тагува, фановите се простуваат од Жаклин Кариери, поранешна убавица со титула и мајка на две деца.
Имаше само 48 години, а според првичните информации причината за смртта е мозочен удар кој најверојатно настанал како последица на компликации по пластична операција-згрутчување на крвта, пишува „Дејли меил“.
Зафатот го направила на први октомври во неименувана клиника во Лос Анџелес. Тажната вест за смртта на мисицата ја потврди семејството.
Децата на Жаклин, Клои и Џулијан, биле со неа кога ненадејно починала, јавуваат светските медиуми.
Жаклин освои неколку титули за убавина во 1996 година во Аргентина. Подоцна се реализира како успешна деловна жена. Беше во врска со синот на познатиот новинар Хорхе Кинтана.