Пејачката Марија Шерифовиќ неодамна стана мајка, откако го доби синот Марио со помош на сурогат мајка.
Сега таа за првпат се огласи преку социјалната мрежа „Инстаграм“.
Откако јавно им се заблагодари на сите луѓе кои биле со неа од самиот почеток и кои продолжуваат да ѝ даваат голема поддршка, Шерифовиќ се осврна на нејзината концертна турнеја, која, како што вели, сакала да ја откаже по раѓањето на бебето.
Сепак, тоа нема да се случи, но по сите веќе закажани настапи во регионот, пејачката на одредено време дефинитивно ќе се повлече од јавноста.
„И сега, што треба ќе правам, да го изматам млекото… Е, а кога сето ова ќе заврши, јас одам на заслужена пауза од пеење, дали е во ред тоа, Верице? Ферски“, коментира Марија во нејзин препознатлив стил.
Пејачката објави и „стори“ со синот на кој за првпат покажа како го држи во раце и му пее „приспивна“ песна, темата од култниот филм „Валкан танц“.
