Тажна вест сподели Националната пливачка федерација.
Почина Борче Цоковиќ-Цоко. Нивната објава ви ја пренесуваме во целост.
Со огромна тага ја примивме жалната вест за ненадејното заминување во вечноста на нашиот спортски работник Борче Цоковиќ-Цоко.
Добро познатиот Цоко беше омилен спикер и аниматор на низа генерации пливачи низ безброј државни и меѓународни натпревари, а неговиот ведар дух и позитивен охрабрувачки карактер беше мотивирачки фактор дури и при многу од нашите највисоки пливачки достигнувања.
Во овие тешки моменти на тага и болка за семејството и најблиските изразуваме длабоко сочувство.
Нека му е светол вечниот пат и нека почива во мир.
