Принцезата од Велс, Кејт Мидлтон, моментално се наоѓа во болница каде се опоравува по операцијата на абдомен.
Засега нема конкретни информации од палатата Кенсингтон за нејзината здравствена состојба, освен дека зафатот бил успешен и дека Кејт најверојатно нема да продолжи со јавните должности се’ до Велигден.
„Операцијата беше успешна, а се очекува таа да остане во болница десет до четиринаесет дена, пред да се врати дома за да продолжи да закрепнува. Врз основа на досегашните лекарски совети, најверојатно нема да се врати на јавните обврски до Велигден. Принцезата од Велс го цени интересот што ќе предизвика оваа изјава. Таа се надева дека јавноста ќе ја разбере нејзината желба да одржува што е можно повеќе нормалност за нејзините деца и нејзината желба да ги чува личните медицински информации приватни“, се наведува во официјалното соопштение.
„Затоа палатата Кенсингтон ќе обезбедува ажурирања за напредокот на Нејзиното кралско височество само кога ќе има нови значајни информации за споделување. Принцезата од Велс би сакала да им се извини на сите што се загрижени поради фактот што таа мора да ги одложи своите претстојни ангажмани. Со нетрпение очекува да се врати на работа што е можно поскоро“, пишува во објавата.
