Седејќи на клупа во градините на замокот Виндзор, Кејт Мидлтон се обраќа во снимена видеопорака која трае две минути и 16 секунди.
Пораката е снимена во средата од британскиот национален сервис Би-Би-Си.
На Кејт Мидлтон, принцезата од Велс, ѝ бил дијагностициран рак и е на хемотерапија.
Типот на рак не е откриен, но ѝ бил откриен откако била подложена на „голема“ операција на абдоменот.
Таа започнала со хемотерапија кон крајот на февруари, а објавата доаѓа бидејќи нејзиниот свекор, кралот Чарлс, исто така се подложи на третман за рак.
A message from Catherine, The Princess of Wales pic.twitter.com/5LQT1qGarK
— The Prince and Princess of Wales (@KensingtonRoyal) March 22, 2024
„Ова, се разбира, дојде како огромен шок, а Вилијам и јас правиме сѐ што можеме за да го процесираме и управуваме ова приватно за доброто на нашето младо семејство“, рече таа. „Како што можете да замислите, за ова е потребно време. Ми требаше време да се опоравам од големата операција за да започнам со мојот третман. Но, што е најважно, ни требаше време да им објасниме сè на Џорџ, Шарлот и Луис на начин што е соодветен за нив и да ги увериме дека ќе бидам добро“, вели Мидлтон.