Тоа што се случи е страшно
На британскиот крал Чарлс Трети му бил дијагностициран рак за време на посетата на болницата поради зголемена простата, соопшти денеска Бакингемската палата.
Во соопштението само се наведува дека е откриена „форма на рак“, но не се наведува за каков вид на канцер се работи.
Се додава дека Чарлс ќе оди на редовна терапија, поради што планираните јавни настапи ќе ги одложи до дополнително известување.
„Кралот Чарлс одлучи да соопшти дека му е дијагностициран рак за да избегне шпекулации и со надеж дека тоа ќе им помогне на луѓето ширум светот кои имаат рак“, се вели во соопштението.
Принцот Хари најави дека итно ќе отпатува за Велика Британија.
Војводата од Сасекс разговарал со кралот за првичната дијагноза и ќе отпатува во Велика Британија за да го види во наредните денови, изјави извор близок до Хари.
