Дали правдата е задоволена?
Кривичниот суд во Скопје ги прогласи за виновни и ги осуди на високи затворски казни обвинетите за убиството на хрватскиот ракометар Денис Тот пред дискотеката „Привилиџ“ во Градскиот парк, објави „Телма“.
Анџело Ѓоргиевски е осуден на 18 години затворска казна во која се засметува времето поминато во притвор.
Клементина Левковска е осудена на затворска казна од 18 години во која се засметува времето поминато во притвор.
Андреј Костовски е осуден на 16 години затворска казна во која се засметува времето поминато во притвор.
За случајот без одржани десет рочишта, а процесот го водеше судијката Елена Илиевска Јосифовиќ.
Она што ги шокира присутните е што судот исто така им наложи на осудените на родителите на Тот да им платат износ од по 9 милиони денари, а на неговиот брат сума од 8 милиони денари во рок од шест месеци по пресудата.
„Имајќи предвид дека оштетениот паднал на асфалтот и бил удиран од страна на обвинетите додека беспомошно лежел, зборува дека обвинетите имале умисла за извршување на кривично дело и дека биле свесни дека може да настане штетна последица“, посочи обвинителката Трајчевска.
