Од пуста желба да останат што е можно позабележани на евровизискиот подиум и заборавајќи на правилото дека „помалку е повеќе“, пејачките на „Евросонг“ отсекогаш се облекувале преамбициозно и неретко кич.
Едно време беше модерно она повеќеслојно облекување, па расоблекување додека трае настапот со некој дополнителен специјален ефект, а ретко сме гледале дами кои знаеле да се облечат автентично и иновативно.
Овојпат ни паднаа во очи сребрените костими со кристали во најразлични форми и должини, и тоа не еднаш, туку дури четирипати.
Претставничките на Албанија, Молдавија, Кипар и Малта настапија во речиси исти костими.
„Едноставен за носење, од утро до вечер, овој фустан е универзална униформа“, напиша еден евровизиски фан на „Твитер“.
„Пола евровизиски пејачки носат иста облека. Само нека светка“ и „Фустаните да не ги купивте на распродажба“ се другите коментари кои предизвикаа реакции на социјалните мрежи.
Кое е вашето мислење? На која претставничка фустанот најмногу ѝ прилега?
* Текстот не смее да биде превземан без дозвола на редакцијата на МАСТИЛО