Почина македонската глумица Сабина Ајрула Тозија, јави порталот „А1 он“.
Ајрула беше маркантен лик на македонската театарска и филмска сцена.
Последниве години се прослави и регионално по улогата во турската хит-серија „Величествениот“.
На почетокот на годината беше оперирана од тумор на мозокот.
Таа беше сопруга на поранешниот македонски амбасадор, режисер и директор на МРТ, Љупчо Тозија.
Во едно нејзино интервју, освен за театарот и за телевизиската продукција, како сопруга на дипломат зборуваше и за политичката состојба на македонската сцена.
„Мислам дека ние не сме посебно подложни на делби. Ги има кај сите народи во разни историски периоди, а можеби најмногу денес. Поделбите се резултат на намери. Морам да споменам дека некогашниот систем инсистираше на обединување, често и со присила. Особено внимаваше на етничките хармонизирања, фамозното „братство и единство“. Увозниците на демократијата се скинаа подбивајќи се со овој поим. Сега имаме поделби по сите можни основи, етнички, партиски, класни… Тоа е погубно за мала земја, како што е нашата. Целта е јасна: полесно владеење со помалите општествени сегменти и промоција на принципот на стадо. Во оваа земја може да се создаде надеж само ако се појави некој или нешто што ќе обединува“, кажа таа.
* Текстот не смее да биде превземан без дозвола на редакцијата на МАСТИЛО
