Тажна вест
На 60-годишна возраст во Битола почина поранешниот новинар и фоторепортер Лазо Ристевски, јавува „Битола њуз“.
Работеше за весниците “Вечер“, “Скок“, “Битолски весник“, “Дело“, а најмногу за весниците, неделникот “Денес“ и “Македонија Денес“, како и за “Вест“, “Екран“..
Беше новинар и фотограф на македонската естрада, а работеше и за издавачките куќи во Македонија, а посебно беше ангажиран во поранешната издавачката куќа “Везилка“ од Битола.
Ристевски беше роден во Мало Илино, живееше во Скопје и Битола, а за него може слободно да се каже дека еден од првите фоторепортери во Македонија, пишува истиот портал.
Погребот се одржа во Светонеделските гробишта во Битола.