На 85-годишна возраст почина Александар Џамбазов, легендарен македонски композитор и диригент.
Беше иницијатор и долгогодишен диригент на „Златно славејче“ и основоположник на фестивалот на забавни мелодии „Скопје“, а пишуваше и филмска, театарска, хорска, класична и поп музика.
За својата работа доби над 40 награди и признанија меѓу кои и државната награда „11 Октомври“ и наградата на Град Скопје „13 Ноември”.
Неговиот исто толку славен син, актерот и шоумен Игор Џамбазов, обожаваше да раскажува анегдоти за нив двајца. Во продолжение една од нив..
1981 бев во војска. У Београду. Кога прв пат ми кажаа дека ми дошла посета „из Македоније“, прашав „кој“? А дежурниот на капијата ми рече: „Како ко, па дошо ти брат“. Бидејќи од сигурни извори знаев дека имам сестра, а не брат, бев сигурен дека е некоја грешка. И кога конечно стигнав до капијата, го видов татко ми Џамбаз. Во фармерки, тексас јакна и очила „ленонки“. А дежурниот ми вика: „Брат ти је закон. А како личите, је.о вас пас“. И денес сфаќам да је био у праву..
П.С. Пас нас још није је.о, ама ние се повеќе си личиме..
Фото: Инстаграм/Стефан Рајхл
* Текстот не смее да биде преземан без дозвола на редакцијата на МАСТИЛО.
