Првпат на социјалните мрежи се огласи Ненад Периш, таткото на 27-годишниот Матеј од Сплит кој исчезна ноќта помеѓу 30 и 31 декември во Белград.
Ненад ја сподели песната „Траг у бескрају“ на легендарниот Оливер Драгојевиќ, а посебно ги одвои стиховите „Све бих дао да си ту“. Објавата расплака многумина, а под истата се редеа емотивни коментари.
После два и пол месеци поминати во српската престолнина, Ненад Периш се врати дома. Тој во меѓувреме се видел со мајката на Матеј, својата поранешна сопруга, која деновите ги поминува со молитви.
„Нејзе ѝ е најтешко. Прво што ме праша е: Како си? Таа ѝ се посвети на верата и секојдневно се моли. Ѝ кажав се’ што знам. За жал, детето не си го најдовме“, изјави тој неодамна.
* Текстот не смее да биде превземан без дозвола на редакцијата на МАСТИЛО
