Смртта на познатата инфлуенсерка и гејмерка Кристина Кика Ѓукиќ која на крајот на минатата година беше пронајдена мртва во својот стан и официјално се води како самоубиство.
Вишото јавно обвинителство во Белград соопшти дека по деталните проверки е утврдено дека нема простор за поднесување на кривична постапка против било кого во врска со околностите под кои настапила смртта на Ѓукиќ.
Обвинителството, меѓу другото, го земало в предвид записникот од обдукцијата во кој како причина за смртта е наведено комбинирано труење со екстази и бромазепам. В предвид се земени и прошталните пораки, но и фактот што Кика и претходно во два наврати се обидела да си го одземе животот.
Нејзината мајка не ги прифаќа ваквите сознанија и тврди дека нејзиното чедо е убиено.
„Таа беше последното дете кое би се убило, па уште и на мојот роденден. Тврдам дека Кика е убиена“, вели Наташа скршена од болка.
Таа за „Објектив“ раскажува дека нејзината ќерка била дрско манипулирана на љубовен план. Вели дека останала без татко кога имала само две години и секогаш била желна за емоции и за внимание. Сепак, не може да поверува дека би се убила на мајчиниот роденден.
Тажно: Кристина рано остана без татко, оваа голема желба не ѝ се исполни
Таа проговори и како Кристина завршила на лекување во Клиниката за психијатриски болести по нејзиниот обид да скокне од Бранков мост. Објаснува дека ќерка ѝ два часа стоела на критичното место наводно помислувајќи на најлошото, но всушнст го чекала нејзиното момче.
И ден денес не ѝ е јасно зошто тогаш ја хоспитализирале. Превентивно ја задржале наредните пет дена. Тврди дека Кристина не користела екстази, сметала дека вотка-џус е подобра варијанта од било какви таблети. Понекогаш мешала цигари со канабис, но тоа е се’. Од лекарства зимала бенседин кои ѝ бил препишан по „епизодата со Бака Прасе“.
Кристина која на „Инстаграм“ ја следеа повеќе од 350.000 луѓе, последните години отворено се бореше со осудувања и критики. На 25 јули ќе наполнеше 22 години.
Фото: Инстаграм
* Текстот не смее да биде преземан без дозвола на редакцијата на МАСТИЛО.