Нова трагедија го потресе музичкиот свет
Нолан Нил, човекот кој ги освои симпатиите во America`s Got Talent почина на 41-годишна возраст, информираат американските медиуми.
Пред две години во популарното шоу беше поздравен со овации, откако храбро ја сподели својата тешка животна приказна и проговори за самоубиството на татка си.
Песната Lost со која се проби на овој подиум самиот ја напиша, инспирирана од неговата „маратонска битка со алкохолот и дрогата“.
Нил претходно имаше забележително учество и во шоуто The Voice. На аудицијата го изведе хитот Tiny Dancer од Елтон Џон и стигна до финалето.
„Срцето ни е скршено поради смртта на Нолан. Неговиот неверојатен талент засекогаш ќе го паметиме. Наше најискрено сочуство до семејството и пријателите“, напишаа продуцентите на шоуто на социјалните медиуми.
Фото: Принтскрин Јутјуб
* Текстот не смее да биде преземан без дозвола на редакцијата на МАСТИЛО.
