На 81-годишна возраст почина легендарниот српски композитор Корнелије Ковач.
Тажната вест на својот профил на „Инстаграм“ ја објави неговата ќерка, познатата кантавторка Александра Ковач, а причината за смртта е инфекција со коронавирус, потврди семејството.
Корнечлије Ковач остави огромна трага на музичката сцена во поранешна Југославија. Неговите хитови кои ги снимија Лепа Брена и Здравко Чолиќ и денес се пеат.
Токму балканската фолк-дива се огласи со емотивна порака по смртта на Ковач.
„Почина човек кој имаше посебен сензибилитет за музика, оригиналност преточена во неговите дела. Културен и премногу чувствителен за нашето време. Соработката со него беше задоволство. Напиша толку убави композиции, музика за разни театарски претстави. Тоа што го твореше за мене беше поинакво и оригинално и за мене многу суптилно и блиско. Ќе остане запаметен по евергрините. Вечна му слава, мир и спокој во душата“, напиша Брена.
Фото: Принтскрин Јутјуб
* Текстот не смее да биде превземан без дозвола на редакцијата на МАСТИЛО