Поранешниот градоначалник на Карпош, Стефан Богоев, сподели убава вест на социјалните мрежи.
Потпретседателот на владејачката СДСМ стана татко, а синот доби име со моќно значење.
„Шетајќи со Бенџи, ни стигна абер од Ивана: Нов член во екипа Богоеви! Лука in da haus“, во свој стил се пофали Богоев.
Оригиналната форма на името Лука е Lucаs и е со латинско потекло. Значење на името: од Lucius-светол, роден во зора. Некои сметаат дека името е со грчко потекло, односно дека произлегува од Λουκᾶς и значи човек од Луканија (област во јужна Италија), меѓутоа ова е малку веројатно.
Стефан Богоев и Ивана Анѓеловска се четири години во брак. Во едно интервју тој откри дека неговата партнерка е бренд менаџер која се занимава со мода, козметика и здрав живот. Инаку е дипломиран политиколог.
Фото: 1ТВ/Фејсбук
* Текстот не смее да биде преземан без дозвола на редакцијата на МАСТИЛО.
