Нека почива во мир
По кратко боледување почина Евгени Чадловски (74), долгогодишен новинар во Македонската радио-телевизија (МРТ) и еден од основачите на Собранискиот канал.
Тажната вест на социјалните мрежи ја потврди и неговата позната ќерка, нашата истакната диригентка Бисера Чадловска.
„Само љубовта е вечна“, напиша таа на „Фејсбук“.
Чадловски помина цели 28 години во националниот сервис. Смени повеќе уреднички позиции, а во еден период беше и помошник директор за реализација на програмската шема.
