Македонскиот пејач повторно се заколна на вечна љубов
Даниел Кајмакоски кој се прослави по победата во регионалното музичко шоу „Икс фактор“, минатата година сподели неколку фотографии со новата девојка, а сега на своите следбеници на „Инстаграм“ им откри дека врската е официјализирана.
Јавноста не знае речиси ништо за неговата нова избраничка. И двајцата сакаат патувања, но и животни.
„Ти си се’ што барав“, ѝ порача јавно пејачот на саканата во една негова објава.
На Кајмакоски, кој своевремено не’ претставуваше и на „Евросонг“, многумина му предвидуваа блескава кариера, но кога публиката најмногу очекуваше од него тој одлучи да му се посвети на приватниот живот.
Се ожени со манекенката и пејачка Кристина Димитријевска, го добија синот Давид, но љубовта кратко им траеше.
Разидувањето им беше скандалозно, барем така пишуваа медиумите.
„Јас сум и мајка и татко на мојот син“, изјави Димитријевска во едно интервју.
На прашање од новинарката во какви односи е со поранешниот сопруг, таа кратко порача дека не сака да се враќа во минатото и дека има други многу поубави работи за кои може да се зборува.
Ј.П.
* Текстот не смее да биде преземан без дозвола на редакцијата на МАСТИЛО