Звучи неверојатно
Втор силен земјотрес за помалку од 12 часа го погоди југоисточниот дел на Турција, а државните медиуми во Сирија објавија дека се почувствувал и во главниот град Дамаск.
Според Американскиот геолошки институт, тој имал јачина од 7,5 степени според Рихтерова скала, а епицентарот бил кај градот Караманмараш, на длабочина од два километра.
Бројот на загинати во денешниот катастрофален земјотрес во Турција и Сирија надмина илјада и се стравува дека тој ќе биде многукратно поголем. Сириските власти кажаа дека во земјата има над 320 мртви и повеќе од 1.000 повредени.
Иако звучи неверојатно, Холанѓанец, извесен Франк Хугербитс, на својот твитер-профил на трети февруари годинава во 13:03 часот објавил дека Турција, односно нејзиниот јужно-централен дел во близина на Сирија, Јордан и Либан, како што напишал „порано или подоцна“, ќе ја погоди земјотрес со јачина од 7,5 степени.
За жал неговото предвидување се покажа вистинито. Тој се огласи и веднаш по земјотресот и кажа дека неговото срце е со повредените. Како што напиша, потресот го предвидел по „движењата на планетите“.