Тажна вест сподели Ракометната Федерација на Македонија
Почина Филип Христов, човек кој голем дел од својот работен и животен век посвети на ракометот. Ракометната и спортската јавност воопшто, денес изгуби еден вреден спортски работник и редок професионалец.
Првенствено препознатлив како дел од раководната структура на РК „Металург“ три децении наназад и директен учесник во формирањето на машката и женската екипа, Филип Христов својот спортски стаж го заокружи со ангажман во РФМ, како дел од комисијата за натпреварување.
Ракометната федерација на Македонија упатува искрено и длабоко сочувство до семејството Христови.
