Македон Димитровски, малиот генијалец од Тетово, повторно го украде вниманието.
Овојпат неговиот татко објави видео во кое неговиот син зборува за македонската историја.
Македон без грешка ги реди годините и настаните од времето кога се родил големиот војсководец Александар, па станал крал на Македонија во 336 п.н.е. Потоа раскажува и за големиот поход, за освојувањето на Персија..
Македон Димитровски кој медиумите го нарекуваат „македонското чудо од дете“ е првиот талент кој доби поддршка во рамки на кампањата „Вложуваме во млади таленти“ иницирана од Асоцијацијата на спортски обложувалници на Македонија (АСОМ).
Осумгодишниот генијалец и оваа година успеа да освои медал на меѓународниот натпревар по математика. Тој освои сребрен медал на „Математика без граници“.
Неговиот коефициент на интелигенција е 134.
