Познатиот рапер Коста Тич (28) почина откако колабира на сцената среде концерт на „Ултра мјузик фестивал“ во Јоханесбург.
На видеото, кое „Дејли меил“ не сакаше да го објави во целост, е документирано како јужноафриканскиот музичар губи свест. Младиот музичар веднаш бил префрлен во болница, а немилиот настан ја вознемирил пошироката јавност.
На снимката се гледа како Тич, чие вистинско име е Константинос Тцобаноглу, се сопнува на сцената и се оддалечува од толпата пред да ја заврши песната. Наеднаш паѓа. Публиката продолжува да аплаудира, додека обезбедувањето и другите членови на тимот сфатат што всушност се случува.
„Смртта трагично тропна на нашата врата, земајќи го од нас нашиот сакан син, брат и внук. Како семејство се соочуваме со тежок период додека се обидуваме да разбереме што ни се случи и бараме да ни дадете време и простор да се опоравиме од загубата“, изјави семејството на раперот.