На социјалните мрежи се огласи Фатих Куртиши, таткото на Мелиса која исчезна во четвртокот, а која по три дена беше пронајдена на Бит Пазар.
Тој им се заблагодари на сите добри луѓе кои од срце помогнале во пронаоѓањето на неговото чедо, а откри и во каква состојба е сега откако се’ се заврши како што треба.
„Мелиса е добро, повторно сме заедно. Им се извинувам на сите мои блиски што ми се јавуваа, а за жал не можев да им возвратам и да им одговарам на повиците од што три дена не бев спиен и уморен. Господ да ви даде здравје и да ве чува“, напиша, меѓу другото, тој на „Фејсбук“.
Во посебен пост тој им се обрати и на оние кои додека траела потрагата го навредувале и се обидувале да го дискредитираат.
„Забележав дека една пијаница ме навредил дека сум психопат родител, се надевам дека оваа недела ќе се сретнеме во обвинителството.. Од болка не знаев ништо за детето, а тоа лице ме навредуваше“, напиша Куртиши.
Во јавноста денеска се огласи и Енгин Ајро, таткото на 12-годишната Аниса. Се надева дека сега, кога сите се заедно, траумата ќе остане зад нив и дека мирно ќе го продолжат животот. Неговата изјава ја имате ОВДЕ!
