Калиопи има нова песна, дует со нејзиниот долгогодишен пријател Жељко Самарџиќ.
Темата „Знам“ одлично поминува кај публиката, а македонската поп-дива освен за соработката која пријатно ги изненади нејзините фанови, во своето последно интервју за „24седам“ отворено зборува и за приватниот живот.
Автор на „Знам“ е нејзиниот прв сопруг Ромео Грил, човекот со кој всушност и се проби на југословенскиот пазар. Иако се разделија уште пред три децении, Калиопи не крие дека на поранешниот партнер може да му се јави и на полноќ и дека одлично се согласува со неговата сегашна сопруга.
„Тогаш најмногу можам да го барам затоа што знам дека е во студио и работи. Знам каде е. Ние сме овде денес како семејство. Ромео дојде со сопругата, таа ми е најблиска пријателка. Ние живееме така. Секогаш велам дека моето дете има две мајки, пред малку Ромео рече: „Јас имам три жени“. Многу се спријателивме, едноставно така е“, открива Калиопи.
Како што вели, меѓу нив нема љубомора, ниту суета.
„Ние сме реализирани луѓе, имаме минато, сегашност и верувам дека ќе имаме и иднина. Верувам дека тоа е суштината на животот“, заклучува таа.
Во истото интервју, Калиопи зборува и за татка си кој почина минатата година, и за тоа како морала да остане присебна и покрај загубата и најпрофесионални да го одработи веќе закажаниот концерт на Фрушка Гора.
