Марија Антониета Кутиљо, шеснаесетгодишна девојка од Италија, почина откако случајно го испуштила телефонот во кадата, кој во тој момент бил на полначот.
Според последните информации, несреќната девојка телефонски разговарала со својата пријателка додека се бањала, пишува „Дејли Мејл“.
Во куќата не биле нејзините родители.
На 911 се јавила нејзината пријателка, која се загрижила бидејќи повикот нагло бил прекинат. Веднаш по пристигнувањето, лекарите констатирале смрт предизвикана од краток спој.
Нејзиното тело е пренесено во мртовечницата на болницата Москати на обдукција.
Слична трагедија се случи пред две години во Франција, кога на девојка телефонот ѝ падна на градите додека лежела во када, а потоа паднал во водата.
Исто така, во 2019 година на ист начин почина 13-годишно девојче во Амстердам. Холандските лекари тогаш рекоа дека ја удрила струја со јачина од 240 волти.
