Направила се’ што ѝ било побарано, одговорила на сите прашања
Во белградската полиција вчера била сослушана М.К.(46), мајката на момчето К.К.(13), кое е осомничено за убиство на девет свои врсници и чуварот на училиштето „Владислав Рибникар“. Разговорот траел со часови, дознава Телеграф.
„Мајката е сослушана во својство на граѓанин. Зборуваше со часови. Таа не е обвинета за никакви кривични дела. Таа кажа се’ што ѝ беше побарано, одговори на сите прашања. Нејзината цел, како и сите други, е да го реши ова, да види што е „проблемот“ и да го најде најдоброто решение за целата оваа ситуација. Што се однесува до приказната дека К.К е дете на разведени родители, тоа не е вистина. Таткото и мајката живеат заедно цело време, не се разделени и, како што рече мајката, тоа е хармонично семејство кое соодветно се грижело за своето дете. Наведе и дека во никој случај никој не можел да претпостави дека делото за кое е осомничен ќе го стори К.К.“, открива извор од истрагата.
Да потсетиме, Првото основно јавно обвинителство во Белград утврдува дали М.К., мајката на момчето кое го изврши масовното пукање во ОУ „Владислав Рибникар“, сторила кривично дело запуштање и малтретирање малолетно лице.
Обвинителството во понеделникот испратило барање до Полициската управа за град Белград за прибирање на потребните информации, со наредба да биде сослушана осомничената М.К., како и разговор со педагогот и психологот вработен во ОУ „Владислав Рибникар“.
Исто така, на Градскиот центар за социјална работа му е наложено да изврши дијагностичка процена на функционирањето на семејството на малолетниот К.К и за ова да поднесе пријава до обвинителството, како и да утврди дали претходно наведеното семејство било во евиденцијата на оваа институција.
По поднесувањето на извештаите на Полициската управа на град Белград и Градскиот центар за социјална работа до обвинителството, јавноста без одлагање ќе биде информирана за натамошниот тек на постапката и донесените решенија.
Во спротивно, доколку се докаже дека има елементи од горенаведените две кривични дела, мајката ќе одговара пред обвинителот на горенаведеното обвинителство.
Таткото на Коста, пак, останува во притвор.
