Тапанарот на групата Urge Overkill, Блеки Оназис, роден како Џон Роуан, почина на 57-годишна возраст.
Веста за смртта ја соопштија колегите од бендот.
„Ве молиме почитувајте ја нашата приватност во овој момент. Испраќаме љубов до членовите на семејството и до фановите“, се вели, меѓу другото, во соопштението.
Причината за смртта се’ уште не е позната.
Urge Overkill е американски алтернативен рок-бенд оформен во Чикаго. Најпознат е по темата Sister Havana и по обработката на хитот Girl, You’ll Be a Woman Soon на Нил Дајмонд која беше искористена во култниот филм „Евтини приказни“ на Квентин Тарантино. Последниот албум групата го издаде минатата година.