Почина пејачката Ајриш Гринстед на 44-годишна возраст.
Таа беше членка на женската ар-ен-би група „702“, а тажната вест ја соопшти нејзината сестра.
„Со голема тага морам да ве информирам дека вечерва почина мојата убава сестра и пријателка. Водеше долга битка и конечно е на мир. Таа девојка беше сјајна како ѕвезда. Ја красеше и внатрешна и надворешна убавина“, напиша Лемиша Гринстед на „Инстаграм“.
Причината за смртта не е откриена.
Лемиша и Ајриш го сочинуваа музичкото трио заедно со Камила Вилијамс. Во декември минатата година Ајриш се повлече од групата поради здравствени проблеми.
Ова е нова семејна трагедија за семејството. Во 2008 година почина сестрата близначка на Ајриш, а причината за смртта беше откажување на бубрезите.