Не стивнуваат реакциите во јавноста по ненадејната смрт на Били Милер, ѕвездата од хит-серијата „Општа болница“, кој почина на само два дена пред својот 44. роденден.
Сега се огласи неговиот портпарол откривајќи дека актерот починал во Остин, Тексас и на јавноста ѝ даде повеќе детали за трагедијата.
Според неговата изјава за TMZ, Милер се борел со манична депресија. Неговиот тим посочува дека причина за смртта би можело да биде самоубиство, но тоа не е потврдено и се чека официјално соопштение.
Роден во Оклахома, Били на почетокот работел во пошта, пред да биде откриен како модел. Откако доби улога во популарната сапуница „Сите мои деца“ продолжи да гради успешна актерска кариера.
