„Како да си пораснала на оваа сцена, ме радува што си волку самоуверена. Ова беше одлично“, ѝ порача Дејан Матиќ на македонската кандидатка која ги освои симпатиите во регионалното шоу за таленти „Никад није касно“.
За Јованка само пофални зборови има и нашата Тијана Дапчевиќ која пушти солзи по нејзината емотивна изведба.
„Многу ти благодарам, ме расплака“, ѝ порача Тијана.
Јованка Јакимоска Митревска на крајот од месецов ќе наполни 47 години. Дипломирала на Економскиот факултет, а веќе две децении живее во Скопје.
Иако музиката е нејзиниот живот, во „Никад није касно“ не се пријавила самоиницијативно, туку на убедување на бројните гости од нејзините настапи кои сведочат за нејзиниот талент.
Таа денес е разведена и мајка на едно дете.
„Имам една ќерка. Нема да се фалам, но ќе кажам дека во последно време работам на себе, да ги отстранам моите маани и да бидам подобра личност во секој поглед. Никогаш не е доцна за ништо во животот, само ако човек одлучи, потоа патот лесно се отвора. Господ на сите ни помага“, изјави Јованка за српските медиуми.
Фото: Ф.Павловиќ/Промо Никад није касно