Александар Темелков, 23-годишниот пејач од Велес кој се прослави во шоуто „Ѕвездите на Гранд“, објави фотографија со синот.
Младиот музичар со колаж фотографии ѝ го честита 13-от роденден на својата сестра, а на неколку од нив е во друштво на својот наследник.
„Јас и мојата сопруга Сара станавме родители, ни се роди нашиот принц. Ти благодарам Господе за овој дар“, напиша Темелков пред неколку дена.
Александар пред три години демонстративно го напушти подиумот во „Ѕвездите на Гранд“ откако не доби ниту еден глас од жирито.
Тогаш тој одби да ги сослуша сите членови на жирито, а подоцна се огласи на својот профил на „Инстаграм“ и порача дека во популарното регионално шоу сè е наместено.
Темелков има снимено неколку авторски песни и редовно настапува.