Британскиот топ-модел Стела Тенант, муза на Карл Лагерфилд позната по својот андроген имиџ, ненадејно почина на 50-годишна возраст.
„Беше прекрасна жена и инспирација за сите нас. Многу ќе ни недостига. Семејството моли за приватност во овие тешки денови. Деталите за погребот ќе бидат објавени утре“, стои во официјалното соопштение.
Тенант во август годинава објави дека се разведува од сопругот Дејвид Ласнет по 21 година брак. Го запозна во врвот на популарноста, а по гламурозната свадба се преселија на огромниот имот на нејзините родители во Шкотска. Заедно имаат четири деца, на возраст од 15 до 22 години.
