Вељко Беливук (35), познат како Веља Невоља, подготвувал ликвидација на неколку инспектори кои ја истражувале неговата криминална банда, дознаваат српските медиуми.
На распит за Веља Невоља: Кој е најпознатиот јутјубер на Балканот?
Во криптираните пораки пронајдени во многуте запленети телефони, наводно се пронајдени фотографии и лични податоци на неколку полицајци, но и на членови од нивните семејства. Се тврди и дека акцијата имала и договорен датум, 15-ти февруари.
Извори на истрагата велат дека е голема среќа што криминалците биле уапсени неколку дена претходно и дека на тој начин спречиле големо крвопролевање.
Невоља и уште неколку лица се осомничени за атентатот на Милан Љепоја, припадник на криминалната банда Пинк Пантер, но и за ликвидациите на навивачите Горан Величковиќ и Здравко Радојевиќ и за уште неколку се’ уште нерасчистени убиства.
*Текстот не смее да биде превземан без дозвола на редакцијата на МАСТИЛО.