Нова трагедија го потресе музичкиот свет. На 31-годишна возраст почина британскиот претприемач, диџеј и јутјуб-ѕвезда Џамал Едвардс, информира „Би Би Си“. Причината за смртта се’ уште не е позната.
Меѓу првите основа јутјуб-канал на кој објавуваше видеа од пријатели кои ги снимаше додека пеат. Подоцна ја основа онлајн музичката платформа SBTV која лансира бројни ѕвезди меѓу кои и мегапопуларниот Ед Ширан.
Во 2014 година доби специјално признание за неговиот придонес во глобалната музика. Стана и амбасадор на хуманитарната организација предводена од принцот од Велс.
Од Едвардс се прости и пејачката Дуа Липа.
„Срцето ми се скрши кога ја слушнав тажната вест. Почивај во мир Џамал. Моите мисли се со неговите пријатели, со семејството и со сите луѓе до кои допре. Прерано си замина“, напиша таа.
Фото: Принтскрин
* Текстот не смее да биде превземан без дозвола на редакцијата на МАСТИЛО