По кратко боледување, денеска почина таткото на Ацо Пејовиќ, пренесуваат српските медиуми.
Популарниот пејач максимално професионално ги одработи претходно закажаните проекти (пред неполни две недели имаше спектакуларен концерт во Скопје н.з.), иако последните месеци беше постојано покрај татка си, коментира негов близок пријател.
Ацо Пејовиќ и неговото семејство доживеаја голема трагедија кога неговиот брат почина како бебе. Тој во едно интервју опиша низ каков пекол поминале сите кога се искомплицирала бременоста на мајка му која носела близнаци.
„Едниот брат ми умре, а другиот е роден со само 1.400 грама. Тоа беше шок за сите, но и за мене како дете. Поминаа многу години, но една слика ми остана врежана во сеќавање – како татко ми излегува расплакан од болницата. Тоа многу ме погоди. Тогаш прв и последен пат го видов како плаче“, раскажа Пејовиќ.
Фото: Принтскрин/Еден на Еден
* Текстот не смее да биде превземан без дозвола на редакцијата на МАСТИЛО.
