По кратко и тешко боледување, денеска не’ напушти нашиот колега и пријател Јованчо Жабев-Ване, информираат од Канал 5.
Во телевизијата Ване работеше како линк-оператор, а целата своја професионална кариера ја помина во секторите за студиска и преносна техника.
„Канал 5 од името на сите вработени изразува искрено сочувство до фамилијата, но и благодарност за неговиот придонес во работењето на телевизијата“, стои во соопштението.
Меѓу колегите ќе остане запаметен како ведар човек, секогаш посветен на работата.
Јованчо Жабев-Ване е роден на 30 декември 1958 година во Скопје.
Фото: Канал 5
*Текстот не смее да биде превземан без дозвола на редакцијата на МАСТИЛО.