Пред нас е голема суша. Затоа внимавајте на природата за да не дојде до евентуална појава на пожари и секако избегнувајте движење на отворено, им порача метеорологот Славчо Поповски на своите следбеници на социјалните мрежи.
Тој нагласува дека Македонија ќе ја зафати екстремно топол бран со исклучително висок УВ-индекс.
„Според последните анализи кои ги направивме, податоците укажуваат на тоа дека екстремно топлиот бран кој го најавивме за од четврток па натаму и тоа како ќе ја зафати нашата држава и ќе услови екстремно високи температури на воздухот, но и екстремно висок УВ-индекс со коефициент 10“, пишува Поповски.
Според временската прогноза, температурите од четврток насекаде ќе се искачат над 30 степени, додека во централните и во југоисточните предели се очекуваат и над 40 степени. Времето ќе биде стабилно, суво и сончево со мала локална облачност. Ќе дува слаб до умерен ветер од променлив правец.