Трагедија го потресе фудбалскиот свет.
Лошите вести овојпат пристигнуваат од Екваторска Гвинеја.
Како што пренесуваат локалните медиуми, за време на тренинг на националната селекција починал 23-годишниот фудбалер Мариано Ондо Монсух Ангонг. Младиот спортист едноставно се срушил на теренот, веднаш бил хоспитализиран, но лекарите биле немоќни.
Оваа вест ги потресе и македонските фанови на најважната споредна работа во светот. Имено, Ангонг е поранешен фудбалер на македонскиот шампион Шкупи. За тимот од Чаир играше во натпреварувачката сезона 2017/2018.
Во клупската кариера беше дел и екипата на Кано Спорт во својата земја, а за националната селекција запиша пет настапи.