Не стивнуваат реакциите по смртта на младата манекенка и актерка Евгенија Симонова (37) која загина на Тајланд откако падна од осмиот кат на хотелот во кој престојуваше.
Неколку месеци по трагедијата испливаа нови сочни детали од нејзиниот живот.
„Мирор“ пишува дека атрактивната Симонова на социјалните мрежи се претставувала под псевдоним. Непосредно пред несреќата наводно емитувала и видео во живо на еден популарен сајт за возрасни.
По инцидентот, тамошните власти привеле уште неколку девојки од Русија под сомнение дека консумирале разни наркотици на ексклузивна забава во еден од луксузните ресорти на островот Пукет. На истиот жур присуствувала и сега веќе покојната Евгенија.
Уапсените признале дека ја препознале Симонова.
„Да, се појави на забавата и она што засега можам да го кажам е дека се однесуваше крајно недолично. Што се случило подоцна не сакам ни да претпоставам“, вели Наталија Косенкова.
Полицијата работи на случајот. Истрагата треба да покаже дали е во прашање бизарна несреќа, убиство или самоубиство.
„Сакаме да веруваме дека жената случајно паднала од балконот, но допрва ќе видиме дали навистина било така“, вели Чомпунух Анантајакун, шеф на одделението за дрога и проституција.
* Текстот не смее да биде превземан без дозвола на редакцијата на МАСТИЛО.
