Тажен ден за вистинските љубители на седмата уметност
На 66-годишна возраст почина американскиот глумец Кларенс Гилјард помладиот.
Актерот кој се прослави во филмските класици „Умри машки“ и „Топ ган“ беше голема холивудска ѕвезда пред да се повлече од шоубизнисот за да му се посвети на образованието.
Веста за неговата смрт ја потврдија и од универзитетот на кој со години предаваше.
„Кога и да го прашавме како е, весело ќе ни зборуваше колку е благословен. Но, ние сме тие кои навистина бевме благословени да му бидеме колеги и ученици. Ве сакаме професоре, ќе ни недостигате многу“.
Освен на големото платно, Гилјард го гледавме и на малите екрани. Играше во серијата „Вокер, тексашки ренџер“.
Интересен момент од неговата биографија е што пред да ѝ се посвети на уметноста, сакал да стане пилот, па цела година следел предавања на Воздухопловната академија.
*Текстот не смее да биде преземан без дозвола на редакцијата на МАСТИЛО.