Познатиот македонски готвач Никола Мишковски, кој на јавноста ѝ стана познат како шеф Никола во кулинарското шоу „Брза кујна“, сподели тажна вест на својот фејсбук-профил.
Со трогателна посвета тој се прости од човекот кој му бил главна инспирација да се занимава со оваа професија, а кој прерано го напушти овој свет.
„Тажен ден за мене и за многу луѓе кој го познаваа овој човек. Боби бе, многу рано пријателе! Човекот кој ми го даде овој занает, човекот кој неизмерно делеше знаење, човекот од кој што излегоа многу генерации готвачи, личност која на секое мое интервју ја спомнував како дел од мојот живот. Ти да не беше, никогаш немаше да работам како готвач.
Почивај во мир легендо! Имај царство небесно! А, ние ќе се надеваме и ќе чекаме дека ќе се појави уште еден Боби/Бобсон“, напиша Мишковски во објавата која ги расплака неговите следбеници на социјалните мрежи.
