Запросување на бејзбол натпревар во САД не заврши добро за момчето кое клекна на сред терен. Брзо беше совладан од обезбедувањето и соборен на земја во стилот на еден друг, уште попопуларен, американски спорт.
Инцидентот се случи за време на натпреварот помеѓу Лос Анџелес Доџерс и Аризона Дајмондс, а видеото стана вирално на социјалните мрежи и собра милиони прегледи.
На снимката која е објавена на Твитер се гледа како маж клекнува и покажува кутија со прстен на жена од публиката, а потоа доаѓа чувар и го соборува на земја. Набрзо пристигнуваат уште двајца чувари.
„Вака треба да се неутрализираат сите предлози на стадионите“, напиша твитерџијата кој го објави видеото.
„Се прашувам каков одговор доби“, се заинтересираа останатите.
Ова не е единственото запросување среде натпревар со не баш среќен крај. Лани за време на хокеј натпревар, еден романтичар на градите ги испиша зборовите „Те молам кажи: Да, да, да“, но кога го виде девојка му веднаш ја напушти салата.