„Жалосно! Прерано не’ напушти“, коментираат неговите колеги
Црногорскиот музичар Владан Потпариќ почина ненадејно на 44-годишна возраст, објави Здружението на поп-уметници на Црна Гора.
„Скршени сме од болка. Во име на сите колеги, во спомен на ова добро момче, изразуваме сочувство до семејството, до пријателите и до неговите колеги од бендот. Ти благодариме за целата музика што ни ја подари“, напишаа од Здружението на „Фејсбук“.
Потпариќ е роден во Пљевља во 1979 година. Свиреше бас гитара и беше член на тамбурашките оркестри „Брезник“ и„Звучи са Рибнице“, а од 2008 година беше член на подгоричкиот бенд „Добри момци“.
Музичарот ги остави позади себе сопругата Сузана и двете ќерки.