Коста Кецмановиќ, 14-годишното момче кое на трети мај во ОУ „Владислав Рибникар“ уби девет соученици и обезбедувачот Драган Влаховиќ, по масакрот е сместено на Клиниката за неврологија и психијатрија.
Како што неофицијално дознава порталот „Република“, вработените во болницата се шокирани од неговото однесување, особено ноќе. Наводно, Коста многу често не може да спие навечер, а најмногу страдаат дежурните вработени.
„Неговата енергија е неверојатна. Вечерва стана во три по полноќ и покрај терапијата што ја прими. Ниту една секунда не мируваше во тие доцни часови. Се разбуди во ниедно време и почна да шпарта по собата. Не правеше други проблеми, но одбиваше да легне и да се обиде да заспие“, раскажува извор од клиниката.
На Кецмановиќ му се даваат двојни дози на седативи, но многу често ниту на нив не реагира, брифираат од болницата.
„Кога навистина ќе заспие, тоа трае многу кратко. Дежурните страдаат, Коста често се шета како дух низ собата“, заклучува истиот извор.
Инаку, денеска почнува судењето против неговите родители. Против нив се поднесени приватни тужби од 27 членови на семејствата на жртвите.
Против неговиот татко Владимир Кецмановиќ кој по инцидентот е во притвор, е покренато обвинение под сомнение дека оружјето што го поседувал во станот не го чувал соодветно, како и дека синот го однел на стрелиште, каде што го обучувал да употребува огнено оружје. Против неговата мајка Миљана Кецмановиќ, пак, е покренато обвинение бидејќи нејзината ДНК била пронајдена на чаура која била пронајдена пред кабинетот по историја, каде што Коста го извршил масакрот врз своите соученици.