Македонскиот пејач Васил Гарванлиев, кој пред неполни две години се сврши во Америка, во неговото најново интервју вели дека во животот ништо не е случајно и дека човек треба да внимава што си посакува.
Кога заминал во Америка да сними албум, најмалку што очекувал е дека ќе ја сретне љубовта на својот живот.
„Во пауза од снимање, на апликација за запознавање се запознав со Џејсон. Почнавме многу интересен муабет и се договоривме да се сретнеме. Дојде да ме земе и јас, класично за мене, се изглупирав во првите 10 секунди (се смее). Ама тоа сум јас.. Прозорецот на автомобилот беше кренат, а јас не забележав. Одев да кажам здраво и го бакнав стаклото. Имавме прекрасен разговор, се изнасмејавме. Тој е класичен Американец, со потекло од Чешка“, открива Васил за порталот „ММС“.
Вели дека верувал во љубов и дека таа енергија се погодила од почеток.
„И јас и тој знаевме дека тоа е тоа. Јас си реков-оп, значи животот ќе се смени целосно. Нема враќање. Имав неколку патувања кои траеја околу шест месеци и кога се вратив се случи прстенот на рака. И сѐ бидна официјално. И ете, од петок 13 мај и официјално сум мажен. Ете 13 ми стана среќен број. Сите ни велеа 13 е несреќен број, но јас реков-е на нас ќе ни биде среќен. Така се погоди. Наша среќа, наша приказна. Прекрасно е, мирно е и љубов им посакувам на сите, бидејќи јас верувам во љубов“, раскажува Васил.
Гарванлиев се прослави уште како дете со нумерата „Марионка“. Во 2021 година беше македонски претставник на „Евросонг“ и се пласира на претпоследното место во полуфиналето со скромни 23 поени (11 од телевоутинг и 12 од жири). Послаб резултат таа вечер имаше само Ирска со 20 поени.
Кога МРТ го одбра за македонски евровизиски претставник јавноста негодуваше. Дел од македонските граѓани дури иницираа и онлајн петиција за негово повлекување од „Евросонг“.
За бугарскиот пасош и за неговата тешка животна приказна читајте ОВДЕ!