Игор Дивљаковиќ (27) е уапсен во кафуле по убиството на мајка си, а неговиот седум години постар брат Ренато дополнително го признал злосторството.
Мештаните на хрватското село Шаренград велат дека Игор се подготвувал за крвав поход и дека наводно имал список со луѓе кои планирал да ги ликвидира.
Трагедијата се случила на 29 април кога Игор и Ренато се вратиле од Цриквеница кадешто работеле. Во дворот на семејната куќа околу 18:30 часот ја пречекале мајка им Блаженка (56) која била изненадена што ги гледа, бидејќи не ги очекувала.
По кратка расправија, синовите почнале да ја удираат по глававата и по телото со хебла и до смрт ја претепале.
Според тврдењата, браќата веднаш побегнале од местото на злосторството, но полицијата бргу ги пронашла и им одредила притвор додека трае истрагата, пренесуваат хрватските медиуми.
Жителите на Шаренград се длабоко потресени од трагедијата и со денови зборуваат за овој немил настан. За тамошните портали раскажуваат дека синовите и претходно биле насилни кон мајка си, особено Игор кој имал поголемо досие во полицијата. Токму тој, пред само шест месеци го запалил горниот кат од семејната куќа, а кога дошле на суд, Блаженка и нејзиниот сопруг Ивица ги молеле институциите да го затворат нивниот син, барем додека да се смири.
Родителите на притворените браќа нивните соселани ги опишуваат како мирни и вредни луѓе. Таткото е водоинсталатер, а убиената жена била вклучена во проектот „Посакај“ преку кој им се нуди нега на стари и на изнемоштени лица.
Мештаните откриваат дека Игор пред извесно време западнал во лошо друштво, дека почнал да консумира недозволени супстанци и наводно тогаш почнал насилнички да се однесува.
„Почна да се занимава со нелегална трговија, се’ повеќе му должеле пари, а дури наслушнав дека имал и список со луѓе кои планирал да ги ликвидира“, раскажува еден од соседите.
* Текстот не смее да биде превземан без дозвола на редакцијата на МАСТИЛО.
