Иако не беше со нас, таа е дел од нас. И беше совршена!
Трогателна приказна сподели Тејлор, мајка која го загубила своето чедо, ќерката Хејзел чие срце престанало да чука околу 36-та недела од бременоста.
Таа и нејзиниот сопруг биле скршени од болка кога лекарите ѝ рекле дека носи мртвороденче. Особено им било тешко што породувањето било толку блиску, па на девојчето веќе ѝ дале и име.
Тејлор детално раскажува што се’ се случувало од моментот кога ја дознала болната вистина, преку породувањето и времето поминато во болница, па се’ до погребот на детото и резултатите од аутопсијата.
Можеби ви делува морбидно, но потребна е голема храброст да се изборите со ваква загуба и за тоа да зборувате јавно на начин на кој се обидувате да им ја ублажите болката на оние кои веќе поминале низ ова.
Инаку, Тејлор е медицинска сестра која работи на одделение за деца кои се родени како зависници.
