Никој не претпоставувал дека во семејната куќа имаат нешто толку „опасно по живот“
Пред точно една година биле убиени средовечен маж и неговата ќерка тинејџерка, а истрагата покажала дека злосторството најверојатно било поврзано со кражба на неколку скапоцени виолини.
Германците Бернард Рајмонд вон Бредов (62) и неговата ќерка Лорена Лидија (14) биле ликвидирани во Парагвај, во близина на главниот град Асунсион. Таткото бил измачуван пред да биде убиен.
Бернард бил колекционер на музички инструменти и се преселил во Парагвај во 2018 година.
Државната обвинителка за локална радиостаница изјавила дека многу е веројатно виолините на Бернард да биле оние од 18-ти век на прочуениот мајстор Антонио Страдивари кои денеска чинат милиони долари.
Властите веќе извршиле рација во домовите на тројцата осомничени и велат дека во истите пронашле оружје, но и документи кои наводно ја потврдиле автентичноста на виолините.
Колку за споредба, една Страдивари виолина во 2011 година беше продадена за неверојатни 16 милиони долари.
Фото: Фејсбук
* Текстот не смее да биде превземан без дозвола на редакцијата на МАСТИЛО
