Американската ѕвезда од реалното шоу „Тодлерс енд Тијарас“ кое се прикажуваше на каналот TLC почина ненадејно на 16-годишна возраст.
Во ова шоу Кајлија Поузи се прослави уште како дете, но остана позната во својата земја откако одлучи да продолжи да се натпреварува на избори за убавина.
Тажната вест ја потврди и нејзината мајка на својот фејсбук-профил.
„Немам зборови со кои можам да ја опишам оваа болка. Моето убаво бебе денеска не’ напушти“, напиша таа под објавените фотографии и ги замоли медиумите за приватност во овие тешки моменти.
Само една недела пред трагедијата, оваа млада девојка го прослави 16-тиот роденден.
Причината за смртта се’ уште не е позната.
Фото: Инстаграм
* Текстот не смее да биде преземан без дозвола на редакцијата на МАСТИЛО.